Бу хакта бүген парламентның президиум утырышында билгеле булды. Дәүләт Советы Секретаре Лилия Маврина көн тәртибенә 20 мәсьәлә кертелүен әйтте, дип яза «Татар-информ».

Депутатлар утырышта Хисап палатасының 2025 елгы эшчәнлеге турында доклад тыңлаячак. Шулай ук, ТР Министрлар Кабинетының республика территориясендә яшьләр сәясәтен гамәлгә ашыру барышы турында хисабы тәкъдим ителә. Барлыгы 9 республика закон проекты каралачак, шул исәптән, Татарстанда 2025 елда бюджет үтәлеше турында закон проекты беренче укылышка кертелә. Ватанны саклаганда һәлак булучылар хәтерен мәңгеләштерү турында закон проекты беренче укылышта тәкъдим ителәчәк.